كل شي بدأ بفترة الحجر الصحي خلال الكورونا. كنت مخلص دراستي الجامعية، حاسس بالفراغ، وكنت حابب أقتني كلب. لكن أهلي رفضوا، وما كان عندي الإمكانيات.
بعد نقاش أمي قالتلي:
"خذ كلب جارك وقضي وقتك معه!"
فقررت أعملها.

طبعت منشورات عن مرافقة الكلاب، علقتها بحارتي، وفتحت حساب إنستغرام. بدأت أوثق يومياتي مع الكلاب كأنها شغلي الحقيقي.
بعد 6 شهور من المحاولات، وصلني أول زبون. ومن هون بدأت ابني الخدمة المحبوبة اليوم في .Planet P

لاحظت إن الناس مش بس بدهم حدا يطلع يمشي مع كلبهم… في كتير منهم محتاجين حدا يرعى كلبهم وقت يسافروا أو ينشغلوا.
فبلشت أستضيف الكلاب ببيتي.

سنة كاملة قضيتها أستقبل كلاب متنوعة. كل يوم كلب جديد. كنت عايش الحلم.
لكن بعد 60 كلب، اكتشفت المشكلة:
الكلاب كانت تسيطر علي، مش العكس.
كنت تعبان، وقررت أتوقف… بس الطلب ما وقف.

وصلتني فكرة:
تطبيق يجمع مرافقين مؤهلين للكلاب.
بدأت أتعلم عن ريادة الأعمال، وعن مشاكل التطبيقات، وعن خطورة وجود ناس غير مدربين مع الكلاب.
قررت أرفع مستوى خدمتي، أتعلم أكتر عن لغة الكلاب، وأرجع أستضيفهم من جديد — بس هالمرة كقائد.

سنة كاملة قضيتها أستقبل كلاب متنوعة. كل يوم كان درس جديد عن السلوك، عن الصبر، عن الحب، وعن الحدود.

تعلمت أتحكم، أوجه، وأبني علاقة متوازنة.
صرت أدرّب الكلاب بنفسي، وبدأت الناس تلاحظ الفرق.

بعد ما تطورت مهاراتي بشكل كبير، صار الناس يطلبوا مني أجي عندهم على جلسات تدريبية. بدأت أوافق، واعلم لقاء ورا لقاء, وصرت أشاركهم شو بعرف، وأساعدهم يتصرفوا بثقة مع كلابهم. النتائج كانت تنجح بتفوق!

مع الوقت، لاحظت إنه نفس الأسئلة عم تتكرر، ونفس الأخطاء عم تنعاد.
ومن هون، طلعت فكرة الكورس:
أنشأت كورس رقمي لتدريب أصحاب الكلاب يكون واضح، عملي، وسهل التطبيق, مبني بالكامل على تجربتي الواقعية مع مئات الكلاب.

الهدف؟أساعد كل شخص يصير القائد الحقيقي لكلبه — مش بالضرب، ولا بالصراخ، بل بالفهم والاحترام

ولهذا السبب، أطلقت متجر Planet P الإلكتروني. مكان مخصص لكل شي بيساعدك تبني علاقة متينة مع كلبك.
منتجات مختارة بعناية، مبنية على خبرتي الواقعية:

• ألعاب ذكية
• أدوات تحكم وتدريب
• مستلزمات تمكّنك تكون القائد، وتفهم كلبك أكثر

مش بس متجر…
بل أدوات حقيقية لحياة أفضل إلك وللكلب اللي بتحبه.

والآن، حان دورك

أنا هون مش بس عشان أمشي كلبك، أو أدربه…أنا هون عشان أعطيك كل شي تعلمته، لتصير قائدًا واثقًا، وتعيش حياة مريحة ومليانة حب مع كلبك مدى الحياة